Սկրիպալների կյանքը՝ թունավորումից հետո
Այս թեմայով
- Սկրիպալներին «թունավորողին» նկատել են ՌԴ գլխավոր հետախուզական վարչության գեներալի դստեր հարսանիքին (լուսանկար)
- Սերգեյ Սկրիպալը թունավորման դեպքից հետո առաջին անգամ զանգահարել է հարազատներին
- Սկրիպալների գործով ԱՄՆ-ն նոր պատժամիջոցներ է պատրաստում Ռուսաստանի դեմ
- Վիկտորյա Սկրիպալը պատմել է «տառապանքների տարվա» մասին
ՌԴ նախկին գնդապետ Սերգեյ Սկրիպալը և նրա դուստրը՝ Յուլյան թունավորումից հետո շարունակում են ապրել Անգլիայում, հայտնում է The Telegraph թերթը՝ հղում կատարելով իր աղբյուրներին:
Պարբերականի տեղեկություններով՝ Սկրիպալները տեղափոխվել են Անգլիայի հարավ, որտեղ շարունակում են մնալ բժշիշկների հսկողության ներքո: Բացի այդ՝ Յուլյան արդեն աշխատանքի է անցել:
Թերթի զրուցակիցները հայտնել են, որ Սկրիպալների ընտանիքը, չնայած վկաների պաշտպանության ծրագրին, շարունակում են կապ պահպանել Ռուսաստանում ապրող իրենց հարազատների և մտերիմների հետ:
Ըստ աղբյուրների՝ Սերգեյ Սկրիպալը նիհարել է անճանաչելիության աստիճան, թեև նրա առողջությանը որևէ վտանգ չի սպառնում:
Հիշեցնենք, որ 2018թ. մարտին Սոլսբերիում թունավորվել էին ռուսական պետական հետախուզության վարչության նախկին աշխատակից Սերգեյ Սկրիպալը և նրա դուստրը՝ Յուլյան, ինչը խոշոր միջազգային սկանդալի պատճառ էր դարձել: Լոնդոնում հայտարարել էին այդ գործում ռուսական հետքի մասին, մինչդեռ Մոսկվան բազմիցս հերքել է իր մասնակցությունը Սկրիպաների թունավորմանը և պահանջել միջադեպի համատեղ հետաքննություն անցկացնել:
ՌԴ արտգործնախարարությունը ՄԲ վարչապետ Թերեզա Մեյին նաև մեղադրել էր ստախոսության մեջ այն պատճառով, որ վերջինս հայտարարել էր, թե թույնը պատրաստված է եղել Ռուսաստանում, իսկ բրիտանական Պորտոն Դաուն լաբորատորիայում հերքել էին դա: