Մենք ենք ու ամերիկան, ընդ որում՝ առանց Ավստրիա
ԱՄՆ-ում մշակույթի նախարարություն գոյություն չունի: Մշակույթը ֆինանսավորվում է մասնավորի կողմից՝ տարբեր հիմնադրամներին արվող նվիրատվությունների միջոցով: Ընդ որում, պետական գումորներն այնտեղ շատ չնչին տոկոս են կազմում:
Իսրայելում գոյություն ունի մշակույթի եւ սպորտի նախարարություն:
Կանադայում մշակույթի նախարարության գործառույթն իրականացնում է ժառանգության նախարարությունը:
Ճապոնիայում նախարարությունը կոչվում է մշակույթի եւ գիտության նախարարություն:
Ի տարբերություն ԱՄՆ-ի, Մեծ Բրիտանիան մշակույթի նախարարություն ունի: Բնականաբար, մշակույթի նախարարություն ունի նաեւ Իտալիան: Այն այս երկրում կոչվում է մշակույթի եւ մշակույթային ժառանգության նախարարություն:
Գերմանիան եւս ունի մշակույթի նախարարություն: Նրանցից ետ չեն մնում նաեւ ֆրանսիացիները:
Մշակույթի նախարարություններ ունեն նաեւ Ռուսաստանը, Ֆինլանդիան, Նորվեգիան, Ավստրալիան, Ավստրիան:
Եւ ահա Հայաստանը կարող է հպարտանալ, որ մի հարցում կարող է համեմատվել ԱՄՆ-ի հետ: Բայց կա մի բայց: Ի տարբերություն ԱՄՆ-ի, Հայաստանն աղքատ երկիր է եւ դժվար է պատկերացնել, թե մասնավոր հատվածը, անհատներն ինչպես են ֆինանսավորելու մշակույթը:
Top-News.am