Փաստորեն տարին փակում ենք ոչ այնքան հպարտ ու արդյունավետ
Փաստորեն տարին փակում ենք ոչ այնքան հպարտ ու արդյունավետ․ ֆեյբուքյան իր էջում գրել է ՀՀԿ խոսնակ Էդուարդ Շարմազանովը՝ անդրադառնալով ՀՀ վարչապետի պաշտոնակատար Նիկոլ Փաշինյանի հայտարարությանը գազի գնի վերաբերյալ:
«Նիկոլը, որ ամիսներ շարունակ մեզ մեղադրում էր գազի գինը արհեստական թանկացնելու,կոռուպցիոն գազային սխեմաներ ստեղծելու մեջ,ու նշում,որ իր վարչապետ դառնալուց հետո հայ -ռուսական հարաբերությունները փայլուն են,այսօր հայտարարեց,որ սահմանին Հայաստանին մատակարարվող գազի սակագինը թանկանում է։
Այ քեզ բան...
Ասում է Գազպրոմը, Գազպրոմ Արմենիային թանկ է վաճառում, բայց մենք այնպես կանենք,որ չթանկանա ժողովրդի համար։
Մեկ ամի՞ս,երկու՞,երե՞ք, յո՞թ...
Մի գեղեցիկ օր էլ կասի, վա՜յ, էլ ռեսուրս չկա, պետք է թանկանա։
Այստեղ են ասել՝ քաղաքականությունը ոչ թե զազրախոսություն է, այլ արդյունավետություն։
Շնորհավոր Ամանոր և Սուրբ Ծնունդ։
Հ.Գ. ՀԱՊԿ գլխավոր քարտուղարի կորուստ և սահմանին գազի թանկացում։
Սա է Նիկոլի քաղաքականությունը»,- ասված է Շարմազանովի գրառման մեջ։