Ալյասկայում շունը և սպիտակ արջը բարեկամացել են (Տեսանյութ)
ԱՄՆ Ալյասկա նահանգի բնակիչները տեսագրել են շան և սպիտակ արջի բարեկամությունը, գրում է Daily Mail-ը:
«Մենք մեր շանը սովորական զբոսանքի էինք տարել: Հետո հայտնվեց սպիտակ արջը: Երկուսն էլ միմյանց նկատմամբ հետաքրքրություն ցուցաբերեցին»,-ասել են տեսագրության հեղինակները:
Հստակեցվում է, որ միջադեպը տեղի է ունեցել դեկտեմբերի 13-ին, Ալյասկա նահանգի Կակտովիկ գյուղում: Շունը, արջին տեսնելուն պես, վազել է նրան դեմ հանդիման: Նա հաչել է և այս ու այն կողմ վազվզել՝ կարծես խնդրելով խաղալ իր հետ:
Մի պահ կենդանիները հոտոտել են միմյանց, իսկ շունը կրկին սկսել է ուրախանալ: Գիշատիչը ևս սկսել է վազել իր նոր ընկերոջ հետևից: