Թուրքիան ԱՄՆ–ին առաջարկել է ուսումնասիրել ռուսական Ս–400–ները. Bloomberg
Թուրքիան առաջարկել է ամերիկացի տեխնիկական փորձագետներին ուսումնասիրել ռուսական Ս-400 համալիրները, երբ Անկարան դրանք գնի Մոսկվայից, փոխանցում է Bloomberg գործակալությունը՝ վկայակոչելով իրավիճակին ծանոթ աղբյուրներին։
Գործակալության տվյալներով՝ Թուրքիան այդպիսով հույս ուներ հարթել վեճը Միացյալ Նահանգների հետ, որ ծագել էր Ռուսաստանից հրթիռային համալիրների գնման շուրջ։
Նշվում է, որ ԱՄՆ–ի մտահոգությունները Ս-400–ի հարցում կապված էին այն հանգամանքի հետ, որ Թուրքիան իրենց կարեւոր գործընկերն է F-35 կործանիչների արտադրության ծրագրում, եւ եթե Անկարան ունենա ե'ւ F-35, ե'ւ Ս-400–ներ, Ռուսաստանը կարող է տվյալներ ստանալ ամերիկյան ինքնաթիռների մասին, փոխանցում է Gazeta–ն։
Որպեսզի Թուրքիան հրաժարվի Ս-400–ների գնումից, ԱՄՆ–ն նույնիսկ առաջարկել է իր Patriot հակահրթիռային պաշտպանության համալիրները՝ զուգահետ պատժամիջոցներով սպառնալով։
Լուրեր Հայաստանից - NEWS.am