«Ռոսատոմն» Ալիևին առաջարկ է արել
ТАСС-ի հաղորդմամբ, ատոմային ոլորտում իրազեկ աղբյուրն ասել է,որ «Ռոսատոմ» ընկերությունն Ադրբեջանի նախագահ Իլհամ Ալիևին առաջարկ է արել՝ կապված ատոմային էներգիայի խաղաղ օգտագործման ոլորտում համագործակցության հետ:
«Ադրբեջանում կա ատոմային ոլորտ, սակայն չկա գործող ԱԷԿ: «Ռոսատոմն» առաջարկություն է արել: Նրանք մտածում են: Մենք առաջարկել ենք 2 ճանապարհ: Դրանից մեկը՝ արագացված կերպով անմիջապես սկսելը: ԽՍՀՄ տարիներին այնտեղ նույնիսկ ընտրել էին հարթակ ԱԷԿ-ի կառուցման համար:Մոսկվայի առաջարկած երկրորդ տարբերակը միջուկային ոլորտում համագործակցության աստիճանաբար աճն է»,- ասել է աղբյուրը:
Աղբյուրը նշել է նաև, որ երկու երկրների միջև արդեն նախնական բանակցություններ են անցկացվել, որոնց արդյունքում էլ «Ռոսատոմ»-ը մշակել է առաջարկություններն ու ներկայացրել Ադրբեջանի նախագահի քննարկմանը: