Մանդարին, սև խավիար, խնձորի հյութ. հայտնի է՝ Ամանորին ինչ տոնական «սեղան» է լինելու Միջազգային տիեզերակայնում
Հայտնի է՝ ինչ տոնական «սեղան» են ունենալու Միջազգային տիեզերակայանի տիեզերագնացները Նոր տարվա կապակցությամբ:
Ռուսաստանի գիտությունների ակադեմիայի բժշկակենսաբանական հետազոտությունների ինստիտուտից ՄՏԿ տիեզերագնացների թիմի սննդի գծով պատասխանատու Ալեքսանդր Ագուրեևը հայտնել է, որ Ամանորը տիեզերքում կնշվի մանդարինով, սև խավիարով ու խնձորի հյութով:
Ինչպես փոխանցում է ТАСС գործակալությունը, Ագուրեևը մանրամասնել է, որ մրգերից տիեզերագնացները կհամտեսեն մանդարին, խնձոր և թուրինջ: Բացի այդ, տիեզերագնացները հատուկ Ամանորի համար արդեն պատվիրել են սև խավիար, որոշ ավանդական մսային ուտեստներ:
Իսկ ահա ալկոհոլային ու գազավորված խմիչքներ տիեզերքում խմել չի թույլատրվում և Նոր տարին այս առումով բացառություն չի լինի:
«Խմելու են խնձորի և նարնջի հյութ կամ ջուր»,- ասել է Ագուրեևը: