ԵՄ-ն երկարաձգել է Ռուսաստանի դեմ պատժամիջոցների ժամկետը
Եվրոպական միության խորհուրդը երկարաձգել է Ռուսաստանի քաղաքացիների եւ կազմակերպությունների դեմ պատժամիջոցները։ Բրյուսելում դա բացատրել են Ուկրաինայում ճգնաժամի վերացման հարցում առաջընթացի բացակայությամբ՝ հայտնում է РБК-ն։
Հակառուսական պատժամիջոցների ժամկետի երկարաձգման մասին Twitter-ի իր էջում գրել է ԵՄ խորհրդի ղեկավար Դոնալդ Տուսկը։ Նա հայտարարել է, որ այդ որոշումը կապված է Մինսկի համաձայնագրերի կատարման հարցում «զրոյական առաջընթացի» հետ։
«ԵՄ-ն միաձայն երկարաձգել է Ռուսաստանի դեմ տնտեսական պատժամիջոցները՝ կապված մինսկյան համաձայնագրերի իրականացման զրոյական առաջընթացի հետ»,- ասել է նա։
Պատժամիջոցները երկարաձգվել են եւս կես տարով։