Թրամփի հետ սեքսի մասին հայտարարած պոռնոաստղին դատարանը պարտավորեցրել է 293 հազար դոլար վճարել
ԱՄՆ դաշնային դատարանը վճռել է, որ ԱՄՆ նախագահ Դոնալդ Թրամփի դեմ դատական հայց ներկայացրած պոռնոդերասանուհի Սթորմի Դենիելսը պետք է փոխհատուցի երկրի առաջնորդին դատական ծախսերը: Այս մասին հաղորդում է BuzzFeed-ը:
Նշվում է, որ խոսքը 293 հազար դոլարի մասին է՝ չնայած Թրամփի պաշտպանությունը 800 հազար դոլար է պահանջել:
Նախագահի փաստաբան Չարլզ Հարդերի խոսքով՝ այդպիսի վճիռը վկայում է Թրամփի «լիարժեք հաղթանակի» և պոռնոդերասանուհու «լիակատար պարտության» մասին: Ի պատասխան՝ Դենիելսի շահերը ներկայացնող Մայքլ Ավենատին հայտարարել է, որ նախագահը և նրա փաստաբանը «զառանցում են» և ստացել են նշված գումարի միայն կեսը, քանի որ նրանց պահանջը «չափազանց էր»: