Կանադայի ՌԾՈՒ-ն Լատինական Ամերիկայի ափերին ավելի քան 17 տոննա կոկային է առգրավել
Թմրանյութերի շրջանառության դեմ CARIBBE միջազգային պայքարի շրջանակում Կանադայի ռազմական նավաստիները Լատինական Ամերիկայի ափերին ավելի քան 17 տոննա կոկային են առգրավել: Այս մասին հայտնում է Կանադայի ազգային պաշտպանության նախարարությունը:
Նշվում է, որ հոկտեմբերին սկսված գործողությունն ավարտվել է դեկտեմբերի յոթին: Դրանում գործարկվել են HMCS Edmonton, HMCS Nanaimo և HMCS Moncton նավերը, ինչպես նաև CP-140 Aurora հետախուզական ինքնաթիռը: Կանադացի նավաստիներն աշխատել են Խաղաղ օվկիանոսի ջրային տարածքում և Կարիբյան ավազանում՝ փոխգործակցելով ԱՄՆ ՌԾՈՒ-ի հետ:
CARIBBE միջազգային գործողությունն անցկացվում է 2006-ից: