Գորբաչովը համաշխարհային առճակատման նոր փուլ է կանխատեսում
ԽՍՀՄ նախկին նախագահ Միխայիլ Գորբաչովը Time պարբերականի համար իր հոդվածում գրել է, որ համաշխարհային հանրակցությունը առճակատման շեմին է:
Իր հոդվածում նախկին նախագահը հիշել է, թե ինչպես իրեն հաջողվեց հիմք գցել Մոսկվայի և Վաշինգտոնի միջև գործընկերական հարաբերությունների համար: Նրա խոսքով՝ 1989-ի Մալթայի գագաթնաժողովում ԱՄՆ նախկին նախագահ Ջորջ Բուշ ավագի հետ «սառը պատերազմի վրա գիծ քաշվեց»:
Նա նաև նշել է Ռազմավարական հարձակողական զինատեսակների կրճատման և սահմանափակման մասին պայմանագրի կարևորությունը: Գորբաչովն ընդգծել է, որ այդ պայմանագրից ԱՄՆ-ի հնարավոր դուրս գալը զինատեսակների նոր մրցարշավի կհանգեցնի:
«Պատմական նշանակություն ունեցող այդ արդյունքներն այժմ սպառնալիքի ներքո են: Աշխարհն այժմ նոր առճակատման և զինատեսակների նոր մրցարշավի շեմին է»,-ամփոփել է Գորբաչովը: