Ճապոնիայում միմյանց են բախվել ամերիկյան երկու ինքնաթիռներ
Ճապոնիայում միմյանց են բախվել ամերիկյան երկու ինքնաթիռներ։ Ճապոնիայի ինքնապաշտպանության ուժերին հաջողվել է փրկել ամերիկացի մեկ զինծառայողի։ Ընդհանուր առմամբ, ինքնաթիռներում եղել է 7 մարդ։ Այս մասին հայտնում է ABC-ն։
Մնացած 6 անձանց որոնումները շարունակվում են։ Ճապոնիայի առափնյա պահպանության ծառայությունը դեպքի վայր է ուղարկել 6 պարեկային նավ։ Ճապոնիայի կողմից որոնողափրկարարական աշխատանքներին մասնակցում է նաև մեկ ինքնաթիռ։
Դեպքը տեղի է ունեցել գիշերը։ Սիկոկու կղզու ափերի մոտ բախվել են McDonnell Douglas F/A-18 Hornet կործանիչ-ռմբակոծիչն ու լիցքավորիչ КС-130 ինքնաթիռը։
Բախման պատճառները հայտնի չեն։ Ենթադրվում է, որ բախումը տեղի է ունեցել վերալիցքավորման ժամանակ։