Բուշ կրտսերը հոր հոգեհանգստի ժամանակ Միշել Օբամային «գաղտնի» կոնֆետ է փոխանցել (լուսանկարներ, տեսանյութ)
Բրիտանական Daily Mail պարբերականը հրապարակել է ԱՄՆ 41-րդ նախագահ Ջորջ Բուշ ավագի հոգեhանգստի արարողության ժամանակ արված ուշագրավ տեսանյութ, որում հանգուցյալի որդին՝ Ջորջ Բուշ կրտսերը, նախկին առաջին տիկին Միշել Օբամայի հետ ձեռքսեղմման ժամանակ նրան «գաղտնի» կոնֆետ է փոխանցում:
Ֆիքսված կադրերում երևում է, որ նախկին նախագահը կոնֆետն արագ դնում է տիկին Օբամայի ափի մեջ, ինչից հետո Միշելը նայում է ամուսնուն ու երկուսով ժպտում են:
Հայտնի է, որ տեսանյութն արվել է Վաշինգտոնի մայր տաճարում, որտեղ տեղի է ունեցել վերջին հրաժեշտի արարողությունը:
Պարբերականը հիշեցնում է, որ նույնը տեղի էր ունեցել նաև սեպտեմբերին՝ սենատոր Ջոն ՄքՔեյնի հոգեհանգստի արարողության ժամանակ, երբ Բուշ կրտսերը կոնֆետ էր դրել Միշել Օբամայի ափի մեջ:
«Իրականում մենք շատ մտերիմ ենք, ու խոշոր միջոցառումների ժամանակ, երբ հավաքվում են ԱՄՆ նախկին ղեկավարները, մենք միշտ միասին ենք: Ես Ջորջին շատ եմ սիրում»,-ավելի վաղ տված հարցազրույցներից մեկում խոստովանել էր Միշել Օբաման: