Ուսուցիչները պահանջում են քրեական գործ հարուցել 12-ամյա աշակերտների դեմ
Ռուսաստանի Դաշնության Լենինգրադի մարզի դպրոցներից մեկում ուսուցիչները պահանջել են քրեական գործ հարուցել 12-ամյա աշակերտների դեմ՝ համացանցում իրենց մասնակցությամբ ծաղրական մեմեր տարածելու համար, գրում է lenta.ru-ն:
Նշվում է, որ դպրոցի 4 աշակերտներ «ВКонтакте» սոցիալական ցանցում իրենց ուսուցիչների մասնակցությամբ մեմեր են հրապարակել: Քիմիայի և կենսաբանության ուսուցչուհիներին դա շատ է բարկացրել, վերջիններս որոշել են պահանջել, որ աշակերտների դեմ քրեական գործ բացվի՝ ՌԴ Քրեական օրենսգրքի 130 հոդվածով, այն է՝ «անձնական վիրավորանք»: Պարզվում է, որ ուսուցիչները հաշվի չեն առել, որ մասնակի քրեական պատասխանատվության կարող են ենթարկվել միայն 14 տարեկանից բարձր քաղաքացիները, իսկ տվյալ հոդվածն առհասարակ կորցրել է ուժը 2011 թվականից ի վեր և այժմ համարվում է վարչական իրավախախտում:
Հայտնի է նաև, որ դպրոցում աշակերտներից մեկի մայրիկին ասել են, որ «նա մայր չէ», իսկ նրա որդին չի կարողանա ուսումը շարունակել նույն դպրոցում: Ավելի ուշ Կրթության նախարարությունից ծնողներին հայտնել են, որ համացանցում արված հրապարակումը չի կարող հիմք ծառայել երեխային դպրոցից հեռացնելու համար: