Թուրքական Բոդրումում անձրևների հետևանքով փողոցները գետերի են վերածվել (տեսանյութ, լուսանկարներ)
Թուրքիայի հարավ-արևելյան Մուղլա նահանգի Բոդրում շրջանում հորդառատ անձրևները հանգեցրել են ջրհեղեղի, որն անանցանելի է դարձրել հայտնի հանգստյան գոտու փողոցները: Դրանք գետերի են վերածվել՝ տանելով ոչ միայն կեղտաջրերը, այլև մեքենաները:
Ինչպես գրում է թուրքական «Սյոզջու» պարբերականը, չդադարող անձրևն ու դրա հետևանքով առաջացած ջրհեղեղը կաթվածահար են արել Բոդրումի երթևեկությունը, փողոցում մնացած բազմաթիվ մեքենաներ լուրջ նյութական վնաս են կրել, տեղի բնակիչները չեն կարողանում դուրս գալ տներից:
Ջրով են լցվել նաև բազմաթիվ շենքերի նկուղներ, խանութներ և սրճարաններ: