Փոփոխություն 9-րդ դասարանցիների քննական կարգում. թեստի նմուշ
Գնահատման և թեստավորման կենտրոնը փոփոխություններ է կատարել 9-րդ դասարանի հայոց լեզվի քննակարգում։
Ըստ այդմ` 9-րդ դասարանցիներն այս տարի «Հայոց լեզու» առարկայից կենտրոնական քննություն կհանձնեն ոչ թե իրենց դպրոցներում, այլ կենտրոնացված քննական կենտրոններում։ Գնահատման և թեստավորման կենտրոնի տնօրենի տեղակալ Կարո Նասիբյանի տեղեկացմամբ՝ Հանրապետությունում ստեղծվելու են 250-ից ոչ պակաս քննական կենտրոններ` մայրաքաղաքում, մարզկենտրոններում, քաղաքներում, գյուղերում: Քննության կազմակերպիչները լինելու են ոչ տվյալ դպրոցի ուսուցիչները: Մենք ունենալու ենք հայոց լեզվի մասնագետների խմբեր՝ տեղում թեստերը ստուգելու համար: Փոփոխվել է նաև 9-րդ դասարանի «Հայոց լեզվի» քննության առաջադրանքը. փոխադրության փոխարեն աշակերտներն այս տարի կատարելու են թեստային աշխատանք, որը բաղկացած է լինելու 3 մասից: Թեստը բաղկացած է տեքստից և տեքստի հիման վրա կազմված 36 առաջադրանքներից: Տեքստը կարող է լինել գեղարվեստական կամ գիտահանրամատչելի: Գեղարվեստական տեքստը ընդգրկում է 300-400 բառ, գիտահանրամատչելի տեքստը` 200- 300 բառ: Առաջադրանքներից 20-ը ընտրովի պատասխանով են (տրվում են 4 տարբերակներ, որոնցից միայն մեկն է ճիշտ), 15-ը` կարճ պատասխանով` տրված հարցի պատասխանի ինքնուրույն դուրսբերմամբ, 1-ը` շարադրանք: Ընտրովի և կարճ պատասխանով յուրաքանչյուր առաջադրանքի ճիշտ պատասխանին տրվում է 1 միավոր: Թեստի առավելագույն միավորը 40 է, որը համապատասխան սանդղակի միջոցով բերվում է 20 միավորանոց համակարգի: Թեստի առաջադրանքները լուծելու և պատասխանների ձևաթուղթը լրացնելու համար հատկացվում է 120 րոպե: Թեստի երորդը բաղադրիչը շարադրությունն է. « Այստեղ ավանդական ազատ շարադրություն չի լինելու: Լինելու է տեքստ, և աշակերտն այդ տեքստի վերաբերյալ արտահայտելու է իր կարծիքը, գնահատելու է գործողությունները: Շարադրանքը լինելու է 50-70 բառի սահմաններում, 5-10 նախադասության շրջանակում: Գնահատման և թեստավորման կենտրոնի կայքում արդեն հրապարակվել է ուղեցույցը, որտեղ առկա է քննական թեստի նմուշը, բացատրությունը, գնահատման սանդղակը»,-նշել է Կարո Նասիբյանը: Շարադրանքը գնահատվում է առավելագույնը 5 միավորով առաջադրանքի պատասխանի (կարծիքի հայտնման, կերպարի բնութագրման, իրավիճակի վերլուծության և այլն) լիարժեք և գրագետ շարադրման դեպքում:
Շարադրանքը գնահատվում է երկու բաղադրիչով` բովանդակություն (ընթերցածի վերաբերյալ արտահայտվելու կարողություն և մտքերը որպես կապակցված խոսք ձևակերպելու հմտություն երկրորդ` շարադրանքի որակ (լեզվական գրագիտության նորմերի պահպանում): 1-ին բաղադրիչի համար տրվում է 3 միավոր, 2-րդի համար` 2 միավոր:
«Հայոց լեզվի» կենտրոնացված քննությունը կանցկացվի 2019 թվականի մայիսի կեսերին։ Դրան կմասնակցեն 9-րդ դասարանի ավելի քան 31 300 աշակերտ:
Նախնական պայմանավորվածության համաձայն, 9-րդ դասարանի հայոց լեզվի ավարտական վերաքննությունը նույնպես կենտրոնացված է լինելու:
«Մենք իրականացնում ենք արտաքին ընթացիկ գնահատում տարբեր առարկաներից, իրականացնում ենք նաև միջազգային ստուգատես: Մեղմ ասած, արդյունքներն այնքան էլ լավը չեն: Կանխավարկած կա, որ դպրոցներում օգնում են քննություն հանձնողներին»,-ավելացրել է Կարո Նասիբյանը և հավելել, որ նպատակը որակի իրական պատկերը ստուգելն է:
Գնահատման և թեստավորման կենտրոնը դպրոցներին արդեն տեղեկացրել է փոփոխությունների մասին: Ըստ Կարո Նասիբյանի՝ մինչև մայիս ժամանակ կա, կարող են պատրաստվել:
Հիշեցնենք, որ ի սկզբանե ԿԳ նախարար Արայիկ Հարությունյանի առաջարկությամբ քննարկվում է նաև 12-րդ դասարանի հայերենի քննությունը կենտրոնացված, այսինքն՝ քննական կենտրոններում անցկացնելու տարբերակը, բայց ի վերջո որոշվեց` այս տարի 12-րդ դասարանի ավարտական քննություններն անցկացնել նախկին կարգով։
Ստրև ներկայացնում ենք 9-րդ դասարանի հայերենի քննական թեստի նմուշը
Թեստի նմուշ
Կարդա° տեքստը և կատարի°ր առաջադրանքները:
I
Ուրախ կլանչոցով շունը նետվեց դեպի կածան: 2. Մի պահ ես էլ ուրախացա ու վազեցի: 3. Խաշամը խշխշում էր խլացնելու չափ ուժգին ու չոր: 4. Այդ խշխշոցն էր, երբ վազում էի. իմ ականջներում միայն այդ խշխշոցն էր: 5. Խաշամը հասնում էր ծնկներիս: 6. Երբ կանգ էի առնում, լուռ լռություն էր. այդ լռության ու լույսի մեջ, հազիվ լսելի սվսվալով, օրորվում էին թափվող տերևները: 7. Սև մոշահավը կչկչոցով թռավ իմ ոտքերի տակից, և դարձյալ խոր լռություն էր: 8. Ինձ թվում էր, թե ես լսում եմ անտառի խաղաղ շնչառությունը:
II
Ես հետ նայեցի: 2. Իմ հորեղբայրը ծնկել էր աղբյուրի մոտ և ինչ–որ բան էր անում: 3.
Մի քիչ էլ խորանալով անտառի մեջ` ես դարձյալ հետ նայեցի: 4. Ինձ թվաց, թե
հորեղբայրն արդեն գնացել է, բայց չէր գնացել, դեռ կռացած էր աղբյուրի վրա և դժվար
էր նկատվում, քանի որ հողագույն էին և° ճանապարհը, և° նրա հագուստը: 5. Ես
նստեցի ծառի hետևը և որպեսզի ինքս ինձ խաբեմ, թե որևէ բան եմ անում, բացեցի
սխրագործությունների մասին գիրքը:
III
Գիրքը, սակայն, ես չէի կարդում. գրքի վրա կռացած` ես սպասում էի, թե իմ
հորեղբայրը երբ է հեռանալու վերադարձի ճանապարհից: 2. Նա հիմա նստել էր
աղբյուրի մոտ, ծխում էր և ինչպես ինձ էր թվում, նայում էր անտառի մեջ ինձ: 3.
«Օրինակ` ինչո°ւ ես էդպես պարապ նստել,- մտածեցի ես,- խոզ գտնելը ձեր գործն է,
գիրք կարդալը` իմ. ես ահա կարդում եմ իմ գիրքը, իսկ դուք պարապ նստել եք»: 4. Եվ
որպեսզի ինքս ինձ ավելի խաբեմ, ես ականջներս փակեցի մատներով ու նայեցի
միայն գրքին: 5. Իբր թե կարդում եմ, իբր թե միայն կարդում եմ:
IV
Հեռավոր թույլ խշխշոց էր լսվում: 2. Ես հայացքս գրքից բարձրացրի և ականջներս
բացեցի, խշխշոցը շատ ուժեղ էր և շատ մոտիկ: 3. Բայց ես չհասցրի վախենալ,
որովհետև նույն պահին էլ տեսա մեր շանը: 4. Նա թափով կպավ ինձ, ցատկեց, նորից
ցատկեց, վնգստաց ու կանչեց դեպի Պարզ բացատ: 5. Որպեսզի նա նորից չկլանչի ու
խշխշացնի, ես իմ հացի կեսը տվեցի նրան:
(Հ. Մաթևոսյան, «Հացը»)
Տեքստի I հատվածում դեպքը ո°ր եղանակի բայաձևերի միջոցով է պատմվում:
1) սահմանական
2) ըղձական
3) ենթադրական
4) հարկադրական
Ո°ր միտքն է հակասում տեքստի բովանդակությանը:
1) Գործողությունները տեղի են ունենում աշնանային անտառում:
2) Տղան կարծում էր, թե հորեղբայրը հեռվից իրեն էր հետևում:
3) Տղան մեծ հետաքրքրությամբ կարդում է քաջագործությունների մասին գիրքը:
4) Հորեղբայրը դժվար էր նկատվում, որովհետև նրա հագուստի գույները ձուլվում էին
շրջապատի գույներին:
Տեքստում ո°ր ձայնի մասին խոսք չկա:
1) շան վնգստոց
2) մոշահավի կչկչոց
3) աղբյուրի ջրի քչքչոց
4) չոր տերևների խշխշոց
Ո°ր բառում հնչյունափոխություն չկա:
1) խլացնել
2) շնչառություն
3) աղբյուր
4) լռություն
Ո°ր բառն է սխալ գրված:
1) հայացք
2) լվածք
3) գնացք
4) նայվածք
Ո°ր բառն է սխալ գրված:
1) որևէ
2) որևիցե
3) միջօրէ
4) մանրէ
Սխրագործություն բառի վանկատման ո°ր տարբերակն է ճիշտ:
1) սըխ-րա-գոր-ծու-թյուն
2) սըխր-ա-գոր-ծու-թյուն
3) սըխ-րա-գործ-ություն
4) սըխ-րա-գործ-ութ-յուն
Տրված բառերից ո°րն ածանցավոր չէ:
1) կլանչոց
2) լսելի
3) լռություն
4) խաղաղ
Ո°ր դեպքում է գոյականի հոլովը սխալ նշված:
1) հորեղբայրը – ուղղական
2) ճանապարհից – բացառական
3) մատներով – գործիական
4) անտառի – ներգոյական
Ո°ր բառն է ենթարկվում արտաքին հոլովման:
1) հորեղբայր
2) լռություն
3) շուն
4) ծունկ
Ո°ր բայաձևն է ապառնի ժամանակ ցույց տալիս:
1) լսվում էր
2) բարձրացրի
3) կպավ
4) չկլանչի
Ո°ր բայաձևը չ բայածանց ունի:
1) կպավ
2) կլանչի
3) կանչեց
4) ցատկեց
Ո°ր կապակցության մեջ կապ չկա:
1) դեպի կածան
2) խլացնելու չափ
3) այդ խշխշոցը
4) լույսի մեջ
Նախադասության անդամներից որի° ձևաբանական վերլուծության մեջ սխալ կա:
Ես նստեցի ծառի hետևը և, որպեսզի ինքս ինձ խաբեմ, թե որևէ բան եմ անում, բացեցի
սխրագործությունների մասին գիրքը:
1) նստեցի – I դեմքի բայ, անցյալ կատարյալ
2) խաբեմ – I դեմքի բայ, ըղձական ապառնի
3) որևէ – ածական, դրական աստիճան
4) որպեսզի – ստորադասական շաղկապ
Ո°ր նախադասությունն է կազմությամբ պարզ:
1) I. 2
2) II. 2
3) II. 3
4) III. 5
Ո°ր նախադասությունն է բարդ համադասական:
1) I. 8
2) II. 4
3) III. 4
4) IV. 2
III հատվածի ո°ր նախադասության մեջ ենթակայի զեղչում չկա:
1) 1-ին
2) 2-րդ
3) 3-րդ
4) 4-րդ
III հատվածի ո°ր նախադասության մեջ ստորոգյալի զեղչում կա:
1) 1-ին
2) 2-րդ
3) 3-րդ
4) 4-րդ
Ո°րը որոշիչ–որոշյալի կապակցություն չէ:
1) ուրախ կլանչոց
2) լսելի սվսվալ
3) խաղաղ շնչառություն
4) թափվող տերևներ
Նախադասության անդամներից որի° շարահյուսական վերլուծության մեջ սխալ կա:
Ես հայացքս գրքից բարձրացրի և ականջներս բացեցի, խշխշոցը շատ ուժեղ էր և շատ
մոտիկ:
1) հայացքս – ուղիղ խնդիր
2) ականջներս – ենթակա
3) գրքից – անջատման անուղղակի խնդիր
4) ուժեղ էր – բաղադրյալ ստորոգյալ
I հատվածից դո°ւրս գրիր արահետ բառի հոմանիշը:
Պատասխան՝ ————————————————–
Գրի°ր ծխում էր բայաձևի անորոշ դերբայը:
Պատասխան՝ ————————————————–
Տեքստի ո°ր բառն է նշանակում «ծառերից թափված աշնան տերևներըե:
Պատասխան՝ ————————————————–
I հատվածից դո°ւրս գրիր այն բառը, որը փոխաբերաբար նշանակում է «ոչնչով
չխանգարվող, անվրդովե, նաև՝ «տևականե:
Պատասխան՝ ————————————————–
I հատվածից դո°ւրս գրիր նորից բառի հոմանիշը:
Պատասխան՝ ————————————————–
I հատվածից դո°ւրս գրիր արմատ+հոդակապ+արմատ կազմությամբ բառը:
Պատասխան՝ ————————————————–
I հատվածի 7-րդ նախադասության մեջ և–ից առաջ ինչո°ւ է ստորակետ դրվել:
Պատասխան՝ ——————————————————————————-
II հատվածից դո°ւրս գրիր արմատ+արմատ կազմությամբ բառը (առանց հոդակապի):
Պատասխան՝ ————————————————–
II հատվածից դո°ւրս գրիր դիմորոշ հոդով դերանունը:
Պատասխան՝ ————————————————–
III հատվածից դո°ւրս գրիր խոսակցական բառապաշարին պատկանող բառը:
Պատասխան՝ ————————————————–
IV հատվածից դո°ւրս գրիր երկու բառ, որոնք հոմանիշ են:
Պատասխան՝ ————————————————–
IV հատվածից դո°ւրս գրիր երկնչել բայի հոմանիշը:
Պատասխան՝ ————————————————–
IV հատվածից դո°ւրս գրիր երկու բառ, որոնք հականիշ են:
Պատասխան՝ ————————————————–
Գրի°ր բարձրացնել բայի հրամայական եղանակի եզակիի ձևը:
Պատասխան՝ ————————————————–
Լույս արմատով մեկ բարդ բա°ռ կազմիր:
Պատասխան՝ ————————————————–
Ի°նչ կարծիք կազմեցիր տղայի մասին, ինչո°ւ: Մտքերդ շարադրի°ր 50-70 բառով:
——————————————————————————————————————————
Գլխավոր Թողարկում, Լուրեր, Վերլուծություն
Tweet