Չինաստանում մոտոռոլերի վարորդը վայրկյանների ընթացքում ընկել է երկու բեռնատարի տակ և հրաշքով ողջ մնացել (տեսանյութ)
Չինական Շանժաո քաղաքում մոտոռոլերի վարորդը վայրկյանների ընթացքում ընկել է երկու բեռնատար մեքենայի տակ և հրաշքով ողջ մնացել:
Տեսահսկման համակարգի տեսախցիկը ֆիքսել է պահը, ապա տեսանյութը հայտնվել է Newsflare կայքում:
Տեսանյութում երևում է, թե ինչպես է տղամարդը, խաչմերուկն անցնելով, բախվում կապույտ բեռնատարին: Բախման հետևանքով տղամարդը և մոտոռոլերը հայտնվում են գետնին: Վայրկյաններ անց մեկ այլ բեռնատար բախվում է մոտոռոլերին: Վարորդին հաջողվում է ողջ մնալ:
Մոտոռոլերի վարորդն ասել է, որ վարելիս ականջակալներով երաժշտություն է լսելիս եղել: Նա կապույտ բեռնատարին նկատել է այն ժամանակ, երբ ուղղել է ականջից ընկած ականջակալը և մի ձեռքով կառավարել ղեկը, այդ իսկ պատճառով էլ չի կարողացել խուսափել բախումից: