Բուի արձանը վրդովվեցրել է սերբական փոքրիկ քաղաքը (Լուսանկար)
Ամեն ձմռանը սահմանամերձ սերբական ոչ մեծ Կիկինդա քաղաք են այցելում թռչունների հազարավոր դիտորդներ, որ տեսնեն աշխարհում ամենամեծ ականջավոր բուի պոպուլյացիան։ Սակայն այժմ Սերբիայի եւ Ռումինիայի սահմանին գտնվող քաղաքը հայտնվել է ուշադրության կենտրոնում լրիվ այլ պատճառով՝ բուի արձանը, որն առնանդամ է հիշեցնում, քաղաքում հուզումների պատճառ է դարձել։
Reuters-ը գրում է, որ ցուցարարները գտնում են, որ թրծակավե արձանի երկար ձեւը եւ մինիմալիստական գծերը անպարկեշտ են եւ պահանջում են այն տեղափոխել։
Արձանի հեղինակ, քանդակագործ Յովան Բլաթը հայտարարել է, որ պատրաստ է մեկ այլ արձան կերտել։