Մոտ 700 մեքենա. ամերիկացին ճապոնական մեքենաների վիթխարի հավաքածու ունի (լուսանկարներ, տեսանյութ)
Ամերիկացի դիլեր Գերի Դունկանը ճապոնական մեքենաների ամենաանսպասելի հավաքածուի տեր է, գրում է autoclassics.com-ը:
Դունկանն իր մոտ 700 մեքենայից բաղկացած հավաքածուն պահում է ԱՄՆ-ի Վիրջինիա նահանգի Քրիսչենսբերգ փոքր քաղաքի պահեստային շինությունում, ընդ որում՝ առաջին մեքենան նա ձեռք է բերել 2016թ.-ին:
Ամեն ինչ սկսվել է 1989թ.-ին, երբ հավաքորդը Տոկիոյի ավտոսրահ մեկնելու տոմս է շահել և այնտեղ առաջին անգամ տեսել Nissan Figaro ռետրոմեքենան: Այն ժամանակ նրան չի հաջողվել ձեռք բերել մեքենան, քանի որ ընկերությունը չէր նախատեսում այդ մոդելն արտահանել ԱՄՆ:
2016թ.-ին Գերին ձեռք է բերել հավաքածուի առաջին ավտոմեքնան: Այժմ հավաքածուն կազմված է մոտ 700 ավտոմեքենայից, որոնց մեծ մասը ռետրոմեքենաներ են ու վաճառքի ենթակա չեն: Դրանց շարքում են Nissan Figaro, Subaru Sambar, Mazda Porter, Autozam AZ-1 և Honda City Turbo մակնիշի ավտոմեքենաներ: