Microsoft-ը վարունգի աճեցման աշխատանքներում դարձել է առաջատար
Վարունգների աճեցման աշխատանքների մրցույթը կազմակերպել է Նիդեռլանդների Վահենինհենյան համալսարանը։ Խոշոր խաղացողների՝ Microsoft, Intel և Tencent, շահերն ապացուցում են, որ արդեն մոտ ապագայում նման նախաձեռնությունները արմատապես կփոխեն սննդարդյունաբերությունը։
Անհատական ջերմոցների մրցույթը մեկնարկել է սեպտեմբերին և կշարունակվի մինչև դեկտեմբեր։ Մասնակից բոլոր ընկերությունները զբաղված են վարունգի աճեցմամբ՝ տեղեկացնում է Venture Beat-ը։
Ջերմոցներում մարդու աշխատանքը հասցված է նվազագույնի։ Լուսավորության, խոնավության ցուցիչների կարգավորումը կատարում է արհեստական ինտելեկտը։ Մարդը միայն միջամտում է վարունգները հավաքելու և ավելորդ տերևները կտրատելու համար։
Հոկտեմբերի վերջի տվյալներով՝ շահույթի ցուցանիշով առաջատարն է Microsoft-ը, նրան հաջորդում է Tencent-ը և այգեգործների խումբը։ Այսպիսով՝ արհեստական ինտելեկտը ֆերմերային աշխատանքները կատարում է ավելի լավ, քան մարդը։