Թուրքիան 83 երկրից պահանջել է 452 գյուլենականի արտահանձնումը
Թուրքիան գյուլենական համայնքի հետ կապերի համար կասկածվող 452 անձի արտահանձնումն է պահանջում 83 երկրից: Այդ մասին հայտարարել է Թուրքիայի արտաքին գործերի նախարար Մևլութ Չավուշօղլուն, գրում է թուրքական «Այդընլըք» պարբերականը:
Հիշեցնենք, որ «Հիզմեթ» կրոնական խմբավորման հիմնադիր ու առաջնորդ թուրք կրոնական քարոզիչ Ֆեթուլլահ Գյուլենին Թուրքիայի իշխանությունները մեղադրում են 2016 թվականի հուլիսի 15-ին երկրում տեղի ունեցած ռազմական հեղաշրջման կազմակերպման համար:
Չավուշօղլուն հայտնել է, որ Թուրքիայի արտգործնախարարությունն արդեն հղել է համապատասխան պահանջագրերն այդ երկրներին:
Ֆեթուլլահ Գյուլենը բնակվում է ԱՄՆ Փենսիլվանիա նահանգում: Թուրքիան պարբերաբար կոչ է արել ԱՄՆ-ին արտահանձնել թուրք կրոնական գործչին, սակայն ապարդյուն: