Անձրև, ցեխ, քամի. զույգի հարսանեկան «ցնցող» ֆոտոսեսիան անսպասելի ընթացք է ունեցել (լուսանկարներ)
Երեսուներեքամյա Ջեյմսը և երեսունմեկամյա Լիզան, որոնք ցանկանում էին իրենց հարսանեկան ֆոտոսեսիան ամեն գնով օրիգինալ դարձնել, երկար փնտրտուքներից հետո որոշել են այն իրականացնել Շոտլանդիայի լեռնային տեղանքում: Դեպքին անդրադարձ է կատարել Daily Mail-ը:
Չիկագոյից 3500 մղոն կտրել-անցնելով՝ զույգը հասել է Շոտլանդիայի գեղատեսիլ Սքայ կղզի, որտեղ էլ պետք է տեղի ունենար նրանց «շշմեցուցիչ» ֆոտոսեսիան:
Ֆոտոսեսիայի ժամանակ, սակայն, ուժեղ քամի է սկսվել: Լուսանկարներում երևում է հարսնացուի ցեխոտված զգեստը և փեսացուի՝ անձրևից կեղտոտված ու ճմռթված կոստյումը:
Չնայած անսպասելի եղանակային պայմաններին՝ լուսանկարիչը կարողացել է «որսալ» Շոտլանդիայի վայրի բնության գեղեցկությունն ու նորապսակների սերը: