Յուրի Վարդանյանն իմ մտերիմ ընկերն էր, բայց շարունակում էր մնալ իմ սպորտային կուռքը. Վահրամ Բաղդասարյան
Լեգենդար ծանրորդ Յուրի Վարդանյանի համար դժվար էր ակտիվ սպորտից անցում կատարել դիվանագիտական աշխատանքի, սակայն, ծանրությանը սովոր մարզիկը կարողացավ հաղթահարել դժվարությունները։ Այսօր՝ նոյեմբերի 13–ին, Յուրի Վարդանյանի վերջին հրաժեշտի արարողության ժամանակ ասաց ԱԺ ՀՀԿ խմբակցության ղեկավար Վահրամ Բաղդասարյանը։
«Յուրի Վարդանյանի հետ շատ մտերիմ ընկերներ ենք եղել, մինչեւ կյանքի վերջին օրը մտերիմ ընկերներ ենք եղել։ Շատ դժվար էր նրա համար ակտիվ սպորտից անցնել դեպի դիվանագիտական կորպուսը, բայց ծանրությանը սովոր մարզիկը կարողացավ հաղթահարել դժվարությունները։ Ցավոք սրտի, հիվանդությունը խանգարեց, եւ դա էր պատճառը, որ Յուրի Վարդանյանը շուտ թողեց դիվանագիտական աշխատանքը։ Չնայած իմ մտերիմ ընկերն էր, նա շարունակում էր մնալ իմ սպորտային կուռքը»,– ասաց Վահրամ Բաղդասարյանը։
Նշենք, որ Յուրի Վարդանյանին կհուղարկավորեն այսօր Կոմիտասի անվան պանթեոնում։
Լուրեր Հայաստանից - NEWS.am