Չինաստանը հրաժարվում է իրանական նավթից
Չինաստանը որոշել Է հրաժարվել Իրանից նավթի գնումներից: Այդ մասին գրել Է The Wall Street Journal-ը՝ վկայակոչելով աղբյուրներ: Ավելի վաղ Պեկինը պաշտպանում Էր Թեհրանին եւ հանդես Էր գալիս նրա նկատմամբ պատժամիջոցների դեմ: Թերթի տվյալներով՝ իրանական նավթի գնումներից կհրաժարվեն երկրի երկու խոշորագույն նավթընկերություններ, որոնք պատկանում են պետությանը՝ China National Petroleum Corporation-ը (CNPC) եւ China Petrochemical Corp.-ը: Ավելի վաղ դրանք գնում Էին օրական 600 հազար բարել նավթ:
Բացի դրանից, Իրանի հետ համագործակցությունը դադարեցնել Է պլանավորում Չինաստանի խոշորագույն բանկերից մեկը՝ Bank of Kunlun-ը, որը պատկանում Է CNPC-ին: Մինչ օրս հենց այդ բանկով են անցել իրանական վառելիքի մատակարարման բոլոր հաշվարկները:
Վերլուծաբանների կարծիքով՝ որոշումը կարող Է երկու գլխավոր պատճառ ունենալ. Ճնշումն ԱՄՆ-ի կողմից, որը պատժամիջոցներ Է սահմանել Իրանի դեմ, եւ Սաուդյան Արաբիայից արտահանվող նավթի գների իջեցումը: Դրան հանգեցրել Է հանույթի ավելացումը թագավորությունում: Իշխանություններն այդ կերպ փորձում են սքողել լրագրող Ջեմալ Հաշքաջիի սպանության սկանդալը: