ԱԳՆ. Լեռնային Ղարաբաղը պետք է վճռորոշ ձայն ունենա
Հայաստանը բազմիցս ներկայացրել է իր դիրքորոշումը ղարաբաղյան հակամարտության կարգավորման վերաբերյալ: Այս մասին հոկտեմբերի 24-ին ճեպազրույցում հայտարարեց Հայաստանի ԱԳՆ մամուլի քարտուղար Աննա Նաղդալյանը` հավելելով, որ Ադրբեջանի ԱԳ նախարարի հերթական հայտարարությունները մեկնաբանելու առիթ չի տեսնում:
«Հայաստանի համար առաջնային են Լեռնային Ղարաբաղի կարգավիճակը եւ անվտանգությունը: Անվտանգությունն ընդ որում կենսական նշանակություն ունի: Խաղաղ գործընթացը պետք է երաշխավորի, որ Լեռնային Ղարաբաղի բնակչությունն այլեւս Ադրբեջանի կողմից ոտնձգությունների չի ենթարկվի, իսկ ԼՂՀ ժողովրդի ինքնորոշման հարցը կհարգվի: ԼՂՀ-ն պետք է վճռորոշ ձայն ունենա», -ընդգծեց մամուլի քարտուղարը:
Նա նաեւ հաստատեց Հայաստանի եւ Ադրբեջանի միջեւ օպերատիվ կապի առկայությունը՝ նշելով, որ այն ուղղված է կարգավորման առաջխաղացմանը նպաստող բարենպաստ մթնոլորտի զարգացմանը:
Լուրեր Հայաստանից - NEWS.am