Անոմալ ուժեղ կարկուտը Հռոմի փողոցները ծածկել է սառույցի հաստ շերտով (լուսանկարներ, տեսանյութ)
Իտալիայի մայրաքաղաք Հռոմի արևելյան հատվածում տեղացած անոմալ ուժեղ կարկուտի հետևանքով փողոցները ծածկվել են սառույցի հաստ շերտով՝ կաթվածահար անելով երթևեկությունը:
Ինչպես նշում է Daily Mail-ը, սառույցի հաստ շերտը թույլ չի տվել մեքենաներին առաջ շարժվել: Բազմաթիվ վարորդներ ստիպված են եղել մեքենաները փողոցի մեջտեղում թողնել ու հեռանալ:
Ավելի վաղ հաղորդվել էր, որ Հռոմի կենտրոնական փողոցներն ու մի քանի մետրոկայարան հեղեղվել են հոկտեմբերի 21-ի երեկոյան տեղացած հորդառատ անձրևի հետևանքով: Ճանապարհները վերածվել էին գետերի: Ջրով էր լցվել մի քանի մետրոկայարան, ինչի հետևանքով մետրոն փակվել էր նախատեսված ժամից շուտ: Որոշ շրջաններում ջրի մակարդակը հասել էր 1.5 մետրի: