Թուրք հաղորդավարն Արա Գյուլերի մահվան լուրն ընթերցելիս ուղիղ եթերում չի կարողացել զսպել արցունքները (տեսանյութ)
Այս թեմայով
- Իսրայելի հանցագործությունների մասին ՄԱԿ-ի դատարանում զգալի ապացույցներ են ներկայացվել. Թուրքիայի ԱԺ նախագահ
- Թուրքիան պատրաստ է համակողմանի օգնել ՌԴ և Ուկրաինայի միջև բանակցությունների կազմակերպմանը
- Ալիևը պաշտոնական այցով ժամանել է Թուրքիա
- Թուրքիայի արևելյան մասում 4,5 մագնիտուդ ուժգնության երկրաշարժ է տեղի ունեցել
Թուրքիայի պետական TRT հեռուստաալիքի հաղորդավարներից Ֆուաթ Քոզլուքլուն, ուղիղ եթերում տեղեկանալով պոլսահայ նշանավոր լուսանկարիչ Արա Գյուլերի մահվան մասին, չի կարողացել զսպել արցունքները:
Քոզլուքլուն, որ երկար տարիներ մտերիմ է եղել կյանքից հեռացած լեգենդար հայազգի լուսանկարչի հետ, ուղիղ եթերում իր հյուրի հետ զրուցելիս հանկարծ նկատել է վազող տողով անցնող լուրը, որը հայտնում էր Գյուլերի մահվան մասին:
Թուրք հաղորդավարը հանկարծակի սկսել է դժվարանալ խոսել, այնուհետև դառնալով տաղավարում նստած իր հյուրին` միայն ասել է. «Մահացել է»… Հաջորդ վայրկյաններին Քոզլուքլուն չի կարողացել զսպել արցունքները, այնուհետև նշել է.
«Չեմ հավատում… Չէի ցանկանա այս լուրը կարդալ»:
Ինչպես ավելի վաղ հայտնել է tert.am-ը, պոլսահայ հայտնի լուսանկարիչը մահացել է նախօրեին՝ Ստամբուլի հիվանդանոցներից մեկում: Նրա մահվան պատճառ է հանդիսացել սրտի անբավարարությունը:
Տեսանյութի այդ հատվածը դիտեք 22-րդ վայրկյանից.