Հունաստանում գեր զբոսաշրջիկներին արգելվել է ավանակի վրա նստել ու զբոսնել (լուսանկարներ, տեսանյութ)
Հունաստանի իշխանություններն արգելել են ավելորդ քաշ ունեցող զբոսաշրջիկներին ավանակի վրա նստել ու զբոսնել, գրում է Daily Mail-ը:
Աղբյուրը նշում է, որ խոսքը, մասնավորապես, Սանտորինի կղզում ավանակների վրա նստած զբոսանքների մասին է:
Իշխանությունները ստիպված են եղել նման որոշում ընդունել, քանի որ բազմաթիվ ակտիվիստներ ահազանգել են, որ կենդանիները լուրջ վնասվածքներ են ձեռք բերում գեր զբոսաշրջիկների պատճառով:
Այսուհետ 100 կգ-ից ավելի կշռող մարդիկ Սանտորինիում չեն կարողանա ավանակի վրա նստել: Բացի այդ՝ արգելվում է զբոսաշրջիկներին ծառայեցնել կենդանիների, որոնք ունեն առողջական խնդիրներ, վնասվածքներ, հղի են կամ պահվել են ոչ պատշաճ պայմաններում:
Տեսանյութը` այստեղ: