Գիշերային ակումբում անհայտ նյութ է ցանվել. Կան տուժածներ (Տեսանյութ)
Բրիտանական Բորնմուտ քաղաքի Cameo գիշերային ակումբում ցանված անհայտ նյութի հետևանքով առնվազն 40 այցելու է տուժել, գրում է Daily Mirror-ը:
Մարդիկ դժգոհել են շնչելու հետ կապված խնդիրներից, հազից ու աչքերում ծակծկոցից: Իրավապահները կարծում են, որ ակումբում, հնարավոր է, CS գազ են ցանել:
Բոլոր այցելուները տարհանվել են: Ակումբում գտնվողների հստակ թիվը հայտնի չէ, միայն հայտնի է, որ այդ օրն այդտեղ միջոցառում էր նախատեսված, որի համար վաճառվել է մոտ 3.000 տոմս:
Այժմ դեպքի վայրում աշխատում են իրավապահները: