Բեռլուսկոնին մտադիր է իր թեկնածությունն առաջադրել Եվրախորհրդարանի ընտրություններում
Իտալիայի նախկին վարչապետ, «Առաջ, Իտալիա» կուսակցության ղեկավար Սիլվիո Բեռլուսկոնին հայտարարել է, որ մտադիր է իր թեկնածությունն առաջադրել 2019 թվականի մայիսին կայանալիք Եվրախորհրդարանի ընտրություններում: Այս մասին հաղորդում է Life.ru-ն՝ Rai News 24 հեռուստաալիքին հղումով:
«Ես մտածում եմ իմ թեկնածությունն առաջադրել եվրոպական ընտրություններում: Բոլորն ինձ այդ մասին են խնդրում»,- հայտարարել է նա:
Բերլուսկոնին նաև հավելել է, որ 25 տարի առաջ Իտալիան փրկվել է կոմունիստներից, սակայն բախվել է այլ լուրջ խնդիրների՝ անտեղյակության, անիրազեկության ու սոցիալական ատելության խթանման խնդրին, ուստի այժմ երկիրը կրկին փրկության կարիք ունի: