Ագահ միլիոնատերը կնոջ մոտ աղքատ է ձևացել, սակայն ինքն իրեն մատնել է
Օմանից միլիոնատերը փորձել է բրիտանացի դատավորին ապացուցել, որ նախկին կնոջ համար գումար չունի, սակայն պատահաբար մատնել է ինքն իրեն։ Այս մասին հաղորդում է Metro-ն։
Ավելի վաղ դատարանն օմանցի գործարարին պարտավորեցրել էր նախկին կնոջը և երեխաներին 200 հազար ֆունտ սթեռլինգ հատկացնել։ Վերջիններն ամուսնալուծությունից հետո Լոնդոնում են մնացել։ Չնայած նրա կարողությունը 34 մլն ֆունտ սթեռլինգ է կազմում՝ նա հայտարարել է, որ չի կարող կատարել այդ պարտավորվածությունը գումար չունենալու պատճառով։
Գործարարի խոսքով՝ իր կարողությունն անիրացվելի է, ուստի ինքը չի կարող գումար տալ նախկին կնոջը և երեխաներին։
Սակայն գործը քննող դատավորը պարզել է, որ դա նրան չի խանգարել փաստաբանական գրասենյակ վարձել։ Փողերի բացակայության պայմաններում իրավաբանների վրա 95 հազար ֆունտ սթեռլինգ է ծախսվել։