«Մանգհուտ» թայֆունի պատճառով Չինաստանը շուրջ 760 մլն դոլարի վնաս է կրել (Տեսանյութ)
Չինաստանի հարավային ափերին մոլեգնած «Մանգհուտ» արևադարձային թայֆունը երկրի հինգ նահանգում հինգ մարդու մահվան պատճառ է դարձել։ Եվս մեկ մարդ անհետ կորած է համարվում: Այս մասին հաղորդում է ՏԱՍՍ-ը՝ վկայակոչելով Չինաստանի արտակարգ իրավիճակների նախարարությունը։
Թայֆունի հետևանքով երկիրը շուրջ 5,2 միլիարդ յուանի (764 միլիոն դոլար) վնաս է կրել։
Թայֆունից հիմնականում տուժել է հարավային Գուանդուն նահանգը: Ավելի քան 1,6 միլիոն բնակիչ տարհանվել է և տեղափոխվել անվտանգ տարածք:
Հորդառատ անձրևները և 162 կմ/ժ արագությամբ քամին ոչնչացացրել են շուրջ 1.2 հազար շինություն, մոտ 800 տուն ավերվել է: Ավելի քան 174 հազար հեկտար տարածքում լրջորեն վնասվել են մշակաբույսերը: