Մերկելը Ռուսաստանին մեղադրել է հետխորհրդային պետությունների ապակայունացման համար
Ռուսաստանն ապակայունացնում է նախկին ԽՍՀՄ բազմաթիվ հանրապետություններում իրավիճակը: Այս մասին հայտարարել է Գերմանիայի կանցլեր Անգելա Մերկելը՝ ելույթ ունենալով Լիտվայի Ռուկլա քաղաքում տեղակայված գերմանացի զինվորների առջեւ, հաղորդում է DW-ն:
«Մենք տեսնում ենք, որ ըստ էության բոլոր նախկին խորհրդային հանրապետությունները, որոնք ԵՄ-ի եւ ՆԱՏՕ-ի անդամ չեն, բախվում են Ռուսաստանի կողմից ստեղծված ներքին հակամարտությունների հետ», - ասել է գերմանական կառավարության ղեկավարը:
Այսօր այդ բոլոր պետությունները զբաղված են իրենց տարածքային ամբողջականության վերականգնմամբ, քանի որ Ռուսաստանը կամ նրանց տարածքների մի մասն առանձնացրել է կամ այնտեղ հակամարտություններ է առաջացնել: Նա որպես օրինակ է բերել Ուկրաինայում, Վրաստանում, Հայաստանում, Մոլդովայում եւ Ադրբեջանում իրավիճակը: