Google Maps-ը «մասնատել» է համբուրվող սիրահարներին
Google Maps հավելվածի օգտատերերը տարօրինակ լուսանկար են գտել քարտեզի վրա, որում լողափում համբուրվող սիրահարների մարմինները «մասնատված» են: Այս մասին տեղեկացնում է The Sun-ը:
Կադրում երևում է, որ տղամարդն ու կինը նստած են ավազի վրա: Լուսանկարն անելու պահին զույգը համբուրվել է, սակայն համայնապատկերային լուսանկարը սխալ է միացվել իրար, ինչի արդյունքում անիրական պատկեր է ստացվել:
Լուսանկարը խոշորացնելու դեպքում երևում է, որ սիրահարների մարմինները «մասնատված» են. տղամարդու մարմնի վերևի մասը գտնվում է կնոջ մոտ, սակայն նրա ոտքերը հեռու են նրանից ու «կանգնած» են ավազի վրա: Ընդ որում՝ կնոջ մի ոտքն ընդհանրապես անհետացել է կադրից: