Անհայտ անձը մեքենայով մտել է Լիոնի օդանավակայանի թռիչքուղի և մրցումների բռնվել ոստիկանության հետ (տեսանյութ)
Ֆրանսիական Լիոն քաղաքի օդանավակայանում անհայտ անձն ավտոմեքենայով մտել է թռիչքուղի՝ լուրջ վնաս հասցնելով իր գործողություններով: Միջադեպի տեսանյութը թվիթերյան իր էջում հրապարակել է ականատեսներից մեկը:
Lyon Capitale-ի հաղորդմամբ՝ անհայտ անձը Mercedes մակնիշի մոխրագույն ավտոմեքենայով սկզբում կոտրել է մուտքի մոտ տեղադրված ուղեձողը, այնուհետև առաջին տերմինալի կոտրած պատուհանի միջոցով դուրս եկել թռիչքուղի:
Ընդհանուր առմամբ, իրավախախտին հետապնդել է 20 ոստիկանական ավտոմեքենա՝ ոստիկաններով, ժանդարմներով և սահմանապահներով, ինչպես նաև՝ մի ուղղաթիռ:
Տեսանյութում երևում է, որ սկզբում տղամարդը տեղաշարժվում է ավտոմեքենայով, այնուհետև նա դուրս է գալիս, ինչից հետո նրան հաջողվում է բռնել:
Նշվում է, որ միջադեպի հետևանքով տուժածներ չկան, ձերբակալվածի գործողությունների դրդապատճառների մասին տեղեկություններ չեն հաղորդվում: