Եգիպտոսի անասնաբուժական կլինիկայում շունը գրկելով սփոփել է մեկ այլ շան (լուսանկարներ, տեսանյութ)
Եգիպտոսի մայրաքաղաք Կահիրեի անասնաբուժական կլինիկաներից մեկի բժիշկը տեսանյութ է նկարահանել, որը գրավել է համացանցի օգտատերերի սրտերը:
Տեսանյութում երևում է՝ ինչպես է շունը գրկում ու գլուխը դնում մեկ այլ շան վրա՝ այս կերպ սփոփելով ու հանգստացնելով նրան:
Daily Mail-ի հաղորդմամբ՝ այս շները քույր և եղբայր են, և նրանց հիվանդանոց էին բերել մահացու պարվովիրուսից բուժելու համար:
Շներին բուժող բժիշկ Մոհամադ Բու Յահյան պատմել է, որ սկզբում էգը վատ է տարել բուժումը, սակայն ավելի ուշ նրա վիճակը, բարեբախտաբար, բարելավվել է:
«Չորս օր ինտենսիվ բուժումից և օրուգիշեր նրանց կողքին լինելուց հետո շները բուժվել են», - ասել է բժիշկը:
Նշվում է, որ այժմ երկու շներն էլ առողջ են:
Տեսանյութը կարող եք դիտել այստեղ: