Աշխարհում ամենից շատ վաճառվող ավտոմեքենաները
Աշխարհում ամենից շատ վաճառվող ավտոմեքենան, ըստ 2018-ի առաջին կիսամյակի տվյալների, դարձել է Toyota Corolla մոդելը:
Ինչպես հայտնում է РИА Новости-ն, վեց ամսում ողջ աշխարհում, ընդհանուր առմամբ, 611 000 ավտոմեքենա է գնվել տվյալ մոդելից: Նախորդ տարվա նույն ժամանակահատվածի համեմատ վաճառքի տվյալները գրեթե չեն փոխվել:
Վարկանշային աղյուսակում երկրորդ տեղն զբաղեցրել է Ford F-Series ամերիկյան մոդելը, որից կես տարում 537 000 օրինակ է վաճառվել: Այս ցուցանիշը շուրջ 3 տոկոսով ավելի բարձր է նախորդ տարվա ցուցանիշից: Երրորդ տեղում է Volkswagen Golf-ը, որի վաճառքը կազմել է 42 000 օրինակ:
Առաջատար հնգյակը եզրափակում են Honda Civic և Toyota RAV4 մոդելները՝ 425 000 և 409 000 վաճառված օրինակով՝ համապատասխանաբար:
Առաջատար տասնյակում տեղ են գտել նաև Volkswagen Tiguan, Volkswagen Polo, Honda CR-V, Toyota Camry և Chevrolet Silverado մոդելները: