Ռոբերտ Քոչարյանի առանձնատանն ու գրասենյակում խուզարկությունը կատարվել է 2-3 շաբաթ առաջ
«Ռոբերտ Քոչարյանի առանձնատանն ու գրասենյակում խուզարկությունը կատարվել է 2-3 շաբաթ առաջ: Թե ինչո՞ւ են դրա մասին նոր հայտնում, թողնում եմ Ձեր երևակայությանը, վստահ եմ՝ դժվար չէ այդ հարցի պատասխանը գտնելը»։ Այս մասին hraparak.am-ին հայտնել է ՀՀ երկրորդ նախագահի գրասենյակի ղեկավար Վիկտոր Սողոմոնյանը:
Հարցին, թե խուզարկության արդյունքում հայտնաբերվե՞լ է արդյոք ինչ-որ բան, Սողոմոնյանը պատասխանել է. «Ես իրավունք չունեմ ասել։ Դուք պետք է ՀՔԾ-ից հարցնեք՝ ի՞նչ են հայտաբերել, ի՞նչ արդյունքների են հասել խուզարկության արդյունքում։Չեմ կարող պատասխանել, ուղղակի իրավունք չունեմ»։
ՀՔԾ մամուլի խոսնակ Մարինա Օհանջանյանը hraparak.am-ի հետ զրույցում նշել է, որ իրենք առաձին չեն հայտարարել Քոչարյանի առանձնատանը և գրասենյակում խուզարկության մասին․ «Մենք լրագրողների հարցումներին ի պատասխան ուղղակի հաստատել ենք տեղեկատվությունը»։