Թուրքիան չի սատարել ՌԴ–ի դեմ պատժամիջոցները, չի սատարի նաեւ Իրանի դեպքում
Թուրքիայի արտաքին գործերի նախարար Մեւլութ Չավուշօղլուն երեքշաբթի հայտարարել է, որ Անկարան երբեք չի սատարել ՌԴ–ի դեմ պատժամիջոցները եւ մտադիր չէ սատարել դրանք Իրանի դեպքում։ Այս մասին Թուրքիայի ԱԳ նախարարը հայտարարել է ՌԴ իր գործընկերոջ՝ Սերգեյ Լավրովի հետ համատեղ մամուլի ասուլին, փոխանցում է ՏԱՍՍ–ը։
«Թուրքիան երբեք չի սատարել Ռուսաստանի դեմ պատժամիջոցները։ Մենք ավելի վաղ հայտարարել ենք, որ Իրանի դեմ պատժամիջոցները եւս սատարել չենք պատրաստվում»,–ասել է Չավուշօղլուն։
Նախարարը նաեւ հայտարարել է, որ Վաշինգթոնը պետք է հրաժարվի Թուրքիայի դեմ սահմանված պատժամիջոցների սխալական դիրքորոշումից։ «Նրանք պետք է հրաժարվեն իրենց սպառնալիքներից՝ հակառակ դեպքում ԱՄՆ–Թուրքիա հարաբերությունները չեն կարող առաջ ընթանալ»,–հավելել է Չավուշօղլուն։