Ռուսաստանցի միլիարդատերերն ուրբաթ 4,1 միլիարդ դոլար են կորցրել
Ուրբաթ օրվա աճուրդների արդյունքներով՝ 23 ռուսաստանցի միլիարդատերերի կարողությունը կրճատվել է 4,137 միլիարդ դոլարով: Այդ մասին հայտնում է «ՌԻԱ Նովոստի»-ն՝ հիմնվելով Bloomberg Billionaires Index-ի վարկանշային ցանկի տվյալների վրա:
Կորուստների մեծ մասը կրել է 11 մարդ, ում ակտիվները հայտնվել են «Բելոուսովի ցանկում»: Նրանք մեկ օրվա ընթացքում կորցրել են 3,091 միլիարդ դոլար:
Ռուսաստանի նախագահ Վլադիմիր Պուտինի օգնական Անդրեյ Բելոուսովն անցած շաբաթ առաջարկել է ավելացնել բյուջեի լրացուցիչ եկամուտները ռուբլու փոխարժեքի թուլացումից լրացուցիչ եկամուտներ ունեցած մետալուրգիական, նավթաքիմիական ընկերությունների և պարարտանյութեր արտադրողների հաշվին։
Ամենաշատը կրճատվել է Նովոլիպեցկի մետալուրգիական կոմբինատի հիմնական շահառու Վլադիմիր Լիսինի կարողությունը՝ 832 միլիոն դոլարով՝ հասնելով 18,3 միլիարդ դոլարի:
Հաղորդվում է, որ Ռոման Աբրամովիչի և Ալեքսանդր Աբրամովի կարողությունները կրճատվել են, համապատասխանաբար, 381 միլիոն և 221 միլիոն դոլարով: