Կինը դատապարտվել է 10 ամսվա ազատազրկման՝ մերկ տղամարդուն գաղտնի տեսագրելու համար
Հարավային Կորեայում դատարանը կնոջը դատապարտել է 10 ամսվա ազատազրկման՝ մերկ մոդել տղամարդուն գաղտնի տեսագրելու եւ տեսանյութը համացանցում հրապարակելու համար:
AFP-ի փոխանցմամբ՝ Հարավային Կորեան «կենցաղային պոռնկագրության» իսկական համաճարակ է ապրում, երբ մարդիկ, առավել հաճախ՝ կանայք, գաղտնի տեսագրում են դպրոցներում, գրասենյակներում, գնացքներում, զուգարաններում, հանդերձարաններում եւ փողոցում եւ տեսանյութերը տեղադրում են համացանցում: Ընդ որում, «կենցաղային պոռնկագրության» զոհ հիմնականում դառնում են կանայք:
Սակայն այս դեպքում դատարանի առջեւ կանգնել է 20-ամյա մի կին, ով եւս մոդել է աշխատում «նուդ» ոճում: Նա լուսանկարել էր իր տղամարդ գործընկերոջը եւ մայիս ամսին տեսանյութը հրապարակել էր համացանցում: Մի քանի օր անց նրան ձերբակալել էին: Ոստիկանությունը խուզարկություն էր անցկացրել նրա տանը: Մի շարք ակտիվիստներ ոստիկանության գործողություններն ագրեսիվ արձագանք են անվանել՝ նշելով, որ երբ խոսքը կին զոհերի մասին է, ոստիկանությունը չի շտապում քայլեր ձեռնարկել: