Ռուսաստանի նկատմամբ մեղմ վերաբերմունքը ոչ մի լավ բանի չի հանգեցնի․ Մարգվելաշվիլի
Վրաստանի նախագահ Գեորգի Մարգվելաշվիլին հայտարարել է, որ Ռուսաստանի նկատմամբ մեղմ վերաբերմունքը ոչ մի լավ բան չտվեց երկրներին, որոնք փորձում էին նրան հանգստացնել։ Այս մասին նա ասել է «Հանուն խաղաղության և անվտանգության-10 տարի 2008-ի ռուս-վրացական պատերազմից հետո» կլոր սեղանի ժամանակ, գրում է «Գրուզիա օնլայն»-ը։
«Նույնիսկ ամենապրագմատիկ փորձերից մենք տեսնում ենք, որ Ռուսաստանի նկատմամբ մեղմ վերաբերմունքը ոչ մի լավ բան չի տվել երկրներին, որոնք փորձել են հանգստացնել ՌԴ-ին։ Ինչպես նաև նրանց, որոնք փորձել են զգացողություն ունենալ, որ դա կարող է մեկ կամ երկու կտորով ավարտվել։ Ագրեսորի ախորժակը զավթելուց հետո և ագրեսիայից հետո մեծանում է»,-հայտարարել է Մարգվելաշվիլին։
Նրա խոսքով՝ Վրաստանը գիտի Ռուսաստանի ծրագրերը, որի նպատակն է «ցանկացած մեխանիզմով, որը երկրի համար բարդություններ կստեղծի» կանգնեցնել Վրաստանին։
«Վրաստանը երբեք տարածքային ամբողջականության և ինքնիշխանության վերականգնումը երբեք ուժային մեթոդներով չի դիտարկել»,-հավելել է նախագահը։