Կոստա Ռիկայում ձերբակալվել է 2 տոննա կոկաին տեղափոխող նավ
Կոստա Ռիկայի առափնյա պահպանության աշխատակիցները նավ են ձերբակալել, որը մոտ 2 տոննա կոկաին էր տեղափոխում, հայտնում է Nacion պարբերականը:
Գործողությունը հնարավոր է դարձել ԱՄՆ իշխանություններից ստացած տեղեկության շնորհիվ: Կասկածելի նավը ձերբակալվել է Խաղաղ օվկիանոսում՝ երկրի ափերից գրեթե 150 կմ հեռավորությամբ:
Սահմանապահներն առգրավել են 2 տոննա կոկաին, որը փաթեթավորված էր 1-ական կիլոգրամով, եւ կալանավորել են անձնակազմի 3 անդամի, որոնք Կոլումբիայի քաղաքացիներ են:
Նշվում է, որ մաքսանենգները հատուկ նավ են օգտագործել՝ շատ ցածր թաղվածքով, ինչը այն ռադարների համար դժվար հայտնաբերելի է դարձնում: