Ամուլսարում հրդեհ է բռնկվել. (տեսանյութ)
Ֆեյսբուքում տեսանյութեր են տարածվել Ամուլսարում հրդեհի բռնկման վերաբերյալ: Բնապահպան Անի Խաչատրյանը տեսանյութ է հրապարակել, որտեղից երևում է ծուխը:
«Մենք զանգահարել ենք ԱԻՆ, ասել են, որ տեղյակ են: Հրդեհը Սարավանի ու Գնդեվազի արանքում է»,- մեկնաբանում է Անի Խաչատրյանը՝ նշելով, թե չգիտեն ինչ ծավալի հրդեհ է, բայց ծուխը գնալով շատանում է:
Տեսանյութում տրված մեկնաբանության համաձայն՝ տարածքում են Ամուլսարի հանքի շահագործման թույլտվություն ստացած «Լիդիան» ընկերության աշխատակիցները, ովքեր մեքենաներով գնում են դեպի վառվող սարը՝ կրակը մարելու համար: Մի տղամարդ ներկայանում է որպես «Լիդիանի» աշխատակից և ասում, որ գնում են հրդեհը մարելու: