ՊԵԿ-ում վստահ են՝ հարկային օրենսդրությունը քանդում է տնտեսությունը
Մեր հարկային օրենսդրությունը այնքան էլ տնտեսությանը միտված չէ։ Այս մասին այսօր՝ հուլիսի 26-ին NEWS.am-ի հետ զրույցում նշեց ՀՀ ԿԱ պետական եկամուտների կոմիտեի նախագահ Դավիթ Անանյանը՝ պատասխանելով հարցին, թե ինչ է կարծում, հարկային բեռը փոքր ու միջին բիզնեսի համար տանելի է արդյոք»
«Մենք ունենք ոչ այդքան տնտեսությանը միտված հարկային օրենսդրություն։ Բայց գնահատել հարկային բեռը այս կամ այն բիզնեսի համար լա՞վն է, թե՞ վատը, նման գնահատական չեմ կարող տալ։ Հնարավոր է, որ հարկային բեռը տվյալ տնտեսության վարման համար լինի ոչ տանելի, ինձ համար որպես հարկային վարչարար տանելի է, որովհետեւ ես բյուջետային եկամուտները ապահովելու խնդիր ունեմ։ Դուք ինձ հարցնում եք հարկայի բեռը լա՞վն է, թե՞ չէ, իհարկե լավն է»,–նշեց Անանյանը։
ՊԵԿ նախագահը հավելեց՝ ինքը հուզականության մեջ մտնելու շռայլություն իրեն թույլ տալ չի կարող. «Ես հարկերը հավաքագրելու եւ բյուջետային ծախսային ֆինանսավորումն ապահովելու պարտականություն ունեմ, հուզականության իրավունք չունեմ»։
Լուրեր Հայաստանից - NEWS.am