Պոպուլիզմը պետք է սահման ունենա. Դավիթ Հարությունյանը՝ կառավարության ծրագրի մասին
Պոպուլիզմը պետք է ինչ-որ սահման ունենա: Այս մասին, այսօր՝ հուլիսի 24-ին, ԱԺ-ում ընտրական օրենսգրքի փոփոխությունների քննարկման ժամանակ նշեց ՀՀԿ ներկայացուցիչ Դավիթ Հարությունյանը՝ անդրադառնալով կառավարության ծրագրի այն դրույթին, որ Ոստիկանությունում պետք է ստորաբաժանում ստեղծվի, որը պետք է զբաղվի ընտրախախտումներով:
«Պոպուլիզմը պետք է ինչ-որ սահման ունենա: Ի՞նչ է նշանակում ոստիկանությունում հատուկ ստորաբաժանում: Ընտրությունները 5 տարին մեկ են լինում, այդ ընթացքում այդ ստորաբաժանումն ի՞նչ է անելու: Ոստիկանական ստորաբաժանումների վրա նոր ֆուկցիա կարելի է դնել, հատուկ ստորաբաժանում անթույլատրելի եմ համարում: Այդ ֆունկցիան միշտ էլ ունեցել են:
Այստեղ ընդամենը պետք է այդ ուղղությամբ աշխատանք կատարել: Մենք խոսում ենք հանցագործության եւ դրա բացահայտման մասին, հո մենք չենք վերցնում քրեական օրենսգրքի 300-ից ավելի հոդվածներով ստորաբաժանումներ ստեղծենք»,-ընդգծեց ՀՀԿ ներկայացուցիչը:
Լուրեր Հայաստանից - NEWS.am