Լողավազան, մերսում և համեղ ուտելիք. Կալիֆոռնիայում շների համար 5 աստղանի հյուրանոց է բացվել (լուսանկարներ, տեսանյութ)
ԱՄՆ-ի Կալիֆոռնիա նահանգում շների համար հյուրանոց է բացվել: Այս մասին հայտնում է The Daily Mail-ը:
Աղբյուրը մանրամասնում է, որ 5-աստղանի հյուրանոցի սենյակներում երկտեղանի մահճակալներ կան, որոնցից յուրաքանչյուրը համալրված է վեբ-տեսախցիկով, որպեսզի շների տերերը կարողանան հետևել նրանց:
Նշվում է, որ մարզասրահում մարզված ու հոգնած շների համար հանգստացնող մերսում է առաջարկվում, ինչպես նաև՝ մենթոլով ցեխի վաննա:
Յուրահատուկ հյուրանոցում ուշադրություն են դարձնում նաև հյուրերի սննդին. նախաճաշին այստեղ փափուկ թխվածքաբլիթ, տարբեր տեսակի աղանդեր ու հունական յոգուրտ են մատուցում, իսկ ընթրիքին՝ տապակած հավ, շոգեխաշած հնդկահավ ու կարտոֆիլի խյուս:
Դրանից բացի, հյուրանոցում կարելի է շների համար երեկույթներ անցկացնել, այդ թվում՝ հարսանիքներ ու ծննդյան տոներ: Հյուրանոցում ապրելու մի օրի արժեքը 100 դոլար է: