Իսրայելի խորհրդարանում արաբ ու հրեա պատգամավորների միջև վեճ է ծագել Էրդողանի վերընտրվելու հետ կապված
Այս թեմայով
- Ստամբուլի քաղաքային ավտտոբուսները հետաքրքիր ձեւով են շնորհավորել նոր քաղաքապետի հաղթանակը (տեսանյութ)
- Ստամբուլի քաղաքապետի իշխանական թեկնածուն պարտությունից հետո արտասվել է (տեսանյութ)
- Թուրքիայի ԳԸՀ-ն հրաժարվել է չեղյալ համարել նախագահական ընտրությունների արդյունքները
- Թուրքիան կքվեարկի այնքան, մինչեւ որ Էրդողանն ստանա ցանկացածը. NYT
Իսրայելի խորհրդարանում արաբ և հրեա պատգամավորների միջև բուռն վեճ է տեղի ունեցել՝ կապված Թուրքիայի նախագահ Ռեջեփ Թայիփ Էրդողանի վերընտրվելու հետ կապված, այս մասին գրում է թուրքական «Անադոլու» գործակալությունը։
Խորհրդարանի՝ ծագումով արաբ պատգամավորներից Թալիբ Աբու Արարն իր ելույթի ժամանակ շնորհավորել է Էրդողանին՝ ընտրություններում հաղթանակ տոնելու կապակցությամբ ու շեշտել, որ Էրդողանը հաղթանակ տոնեց «ի հեճուկս իր հանդեպ քենով լցված բազմաթիվ ուժերի»։
«Փառք Ալլահին, Թուրքիան անկախ ու ինքնիշխան երկիր է. թող այն օրհնված լինի», - ասել է Արարը։
Էրդողանին շնորհավորել է նաև պաղեստինցի պատգամավոր Աբդուլհաքիմ Հաջ Յահյան։
Նրա և Արարի ելույթները հակազդեցության են արժանացել հրեա պատգամավորների կողմից և լարվածության պատճառ դարձել խորհրդարանում։
Հիշեցնենք, որ Թուրքիայի գործող նախագահ Ռեջեփ Թայիփ Էրդողանն ընտրություններում ստացել է ձայների 52,6%-ը: