ԱՄՆ-ում վագրը ցատկել է արգելոցի պատնեշի վրա՝ վախեցնելով այցելուներին (լուսանկարներ, տեսանյութ)
ԱՄՆ-ի Բաթոն Ռուժ քաղաքում՝ Լուիզիանայի պետական համալսարանի տարածքում, միջադեպ է տեղի ունեցել, որը հայտնվել է ականատեսների ու համացանցի օգտատերերի ուշադրության կենտրոնում:
Ինչպես նշում է The Daily Mail-ը, համալսարանի տարածքում գտնվող արգելոցում այցելուներից մեկը մեջքով հենվել է ապակե պատնեշին, որի հետևում ապրում են վայրի կենդանիները:
Տեսանյութում երևում է՝ ինչպես է վագրը դանդաղ մոտենում ու անսպասելիորեն ցատկում ապակե պատնեշի վրա՝ թաթերով հարվածելով այն հատվածին, որի հետևում կանգնած է տղամարդը:
Դրանից հետո տղամարդն ու մյուս այցելուներն արագ հեռանում են պատնեշի կողքից, սակայն վագրն այլևս հետաքրքրություն չի ցուցաբերում այցելուների հանդեպ ու հեռանում է:
«Հասկացա՝ ինչու չի կարելի մեջքով շրջվել վագրին»,- Facebook-ում գրել է տեսանյութը հրապարակած ականատեսը: