Իսրայելի վարչապետի կինը մեղադրվում է խարդախության եւ վստահության չարաշահման համար
Իսրայելի վարչապետ Բենյամին Նեթանյահուի կինը՝ Սարան, մեղադրվում է խարդախության եւ վստահության չարաշահման համար, ինչը կապված է վարչապետի նստավայրում միջոցների ոչ նպատակային օգտագործման հետ, հայտնում է CNN-ը՝ վկայակոչելով Երուսաղեմի մագիստրատական դատարանի եզրակացությունը:
Գործի շրջանակներում մեղադրական եզրակացության համաձայն, որը հայտնի է որպես «սնունդ պատվիրելու մասին գործ»՝ Սարա Նեթանյահուն 2010-ից մինչեւ 2013 թվականը պետական միջոցներից 100 հազար դոլար է վճարել վարչապետի նստավայրում սննդի համար:
Դատախազների խոսքով՝ Սարա Նեթանյահուն նաեւ մոտ 10 հազար դոլար անօրինական կերպով վճարել է մասնավոր խոհարարների աշխատանքի համար: Նշվում է, որ Նեթանյահուի կինը հերքում է բոլոր մեղադրանքները, փոխանցում է «Գազետա»-ն: